الجمعة، 22 يونيو 2012

حكاية مصرية ......




حكاية مصرية
كانت دولة بوليسية
عشنا مع نظام طاغية
عاش على حسابنا فى جميع المجالات
حتى الأنسانية
قتل وسحل وسرقة ونهب
خلوا مصر دولة فرعية
عشان كده قمنا بثورة مصرية
اتكلمت عنها البلدان العالمية 
فضلنا نردد عيش حرية عدالة إجتماعية
و مات شبابنا بأحلامهم الوطنية
وبدأنا فترة إنتقالية 
طلعت إنتقامية
 مرت سنة واحنا عايشين أفكار جدلية
و شبابنا بيواجه طرق جهنمية
ازاى يقضوا على ثورتنا السلمية
طلعوا علينا بلطجيتهم فى الشوارع الجانبية
و بخططهم الهلامية
سَلسلت الأحرار
و طلعت نظامهم برائة رسمية
والكل بجانب سطوتهم أفكار هامشية
و ترضا مصر بالحياة القدرية
و مهما عملت ما حتشم ريحة الحرية 

6 التعليقات:

Unknown يقول...

وياترى لسه فى حريه ولا حلم الحريه بعد سنه ونصف مع الاسف سرقوا حتى الحلم

إنسان || Human يقول...

انا متخيلك وانت بتعصري دماغك عشان تجيبي كلام زي بعضه عشان يكون في موسيقى... واضح ان في جهد مبذول كمان تستحقي عليه التشجيع

استمري و ماتتقيديش بقافية قوي ... واقري زجل كتير
:)

Unknown يقول...

روعة يا افنان بجد حلوة اوى

وثورنتا أن شاء الله مستمرة ومش هتموت على أيدين العسكر وكلاب الفلول

Afnan m7md يقول...

مرسى ليكم كلكم على تواجدكم بالمدونة ويااااااارب تكون كلماتى عجبتكم ....... وافضل عند حسن ظنكم دايما
wessam الحرية ده احساس كامن داخل الانسان يظهره وقت الحاجة اليه ولكن هل يستطيع الانسان يستخدمه فى محلة ولا لأ هو ده السؤال .....؟؟!!
Hu-man وفعلا عصرت دماغى جدا عشان اطلع القافية بالشكل ده .... بس بحب الشكل ده فى الكتابات فى العموم .... وان شاء الله حاخد بالنصيحة واقرأ زجل كتير
mena moon تسلمى وجودك تانى فى المدونة ياجميل وانت اللى احلى بتشجيعك والثورة مستمرة واللى مش عاجبه يضرب راسه فى اقرب حيط ... بس ياريت مانخبتش احنا راسنا .... ربنا يسترها علينا ....

أحمد أحمد صالح يقول...

سر على طريق الحرية
بهدى العقل الحر..بوشكين
..ربما سرنا طريق الحرية و لكن بدون عقل حر..أو بدون عقل أصلا !
لكن دوما الأمل موجود..جميلة كلماتك و في انتظار جديدك دوما..تحياتي.

Afnan m7md يقول...

تسلم ايديك يا أحمد ..... وديما تكون منور مدونتى

إرسال تعليق